مش حاساها عشان انا عايشة ف بلد مش بلدى
لاء
ماانا لسة عايشة ف بلادى مسبتهاش
احساسى بالغربة مالينى وانا لسة ف بيتى وارضى
ساكنة فيها عمرى كلة ماكرهتهاش
احساسى بالغربة عايشاه واناوسط اهلى وناسى
بتالم اوى كل يوم لوحدى وبيكبر فيا جرح احساسى
كل يوم بقول لنفسى اهون عليا اتغرب ف بلاد تانية
ولا انى احس بجرح يسكن فيا من اقرب قلوب ليا
وابعد وانا ببكى ومالقيش حد يدق بابى
احساس بالغربة مؤلم اوى وكل يوم بيكبر
هم وكربة تجرح اوى والشوك حوالينا بيكتر
ناس متغربة نفسها ترجع والغربة الماها
وناس عايشة ف بلادها وسط اهلها واصحابها
وكل القلوب ناسيها
قلوب بتضحى وينداس عليها
وقلوب بتجرح والكل فرحان بيها
واللى معهوش مالهوش مكان
بيتة ف الشارع ومالوش عنوان
طب مش دة احساس يجرح
حاسس بالوحدة وشايف قلبك
سابك وراح لبعيد
تندة مهما هتندة هتسمع صوتك جريح
والقلب اللى كان جمبك بيداويك
هو اللى جرحك وسابك وحيد
مش كل دة احساس بالغربة
مش بس بالاوطان
ولا بتغير المكان
لاء دى كمان بالاحساس
تعيش مع اقرب ناس
وماتحسش بالامان
الرئيسية 
الأربعاء أغسطس 27, 2008 1:21 am