يا ترى مين سبلك العلامة دي في حياتك ، مين إلي غير مجرى حياتك ، مين إلي كان نقطة تحول في حياتك ، مين إلي كان ليه بصمة جامدة في حياتك ؟
ويا ترى هل أثرت فيك بشكل قوي ؟
بس يا ترى هل العلامة دي كانت ايجابية أو سلبية ؟!
وهل العلامة دي لسه جواك لغاية دلوقتي ، ولا كان ليها وقتها وخلاص جرى عليها الزمن ونسيتها ؟
وهل يا ترى مؤمن بيها ومصدقها لحد دلوقتي ولا لأ ؟
_ أنا عن نفسي ليا ناس بجد ليهم بصمة في حياتي واتعلمت منهم حاجات كتيرة فادتني في حياتي وبجد بقدم لهم كل احترام وتقدير لوجودهم في حياتي :
1) أمي طبعا ربنا يخليهالي اتعلمت منها حاجات كتيرة ولسه بتعلم
2) صحابي الأنتيم والمقربين مني شخصيا ً
.....................................
- بجد يا جماعة جميل إنه يكون لينا علامة في حياتنا ،
أكيد العلامة دي بنستفاد منها مهما كانت ايجابية أو سلبية ،
ممكن تكون فتحت عنينا على حاجات كنا غافلين عنها وعقولنا كانت مش بتفكر فيها .
- خلينا نبص حولينا يمكن نلاقي حاجات تانية مش واخدين بالنا منها .
- حياتنا مش فاضية حياتنا مشوار طويل سخرهلنا الله سبحانه وتعالى عشان نتعلم كل يوم حاجة جديدة
وما ننساش أنه احنا كلنا تلاميذ في مدرسة الحياة
والحياة أكبر وافضل معلم
دي كانت ( علامة في حياتي )
دلوقتي جه دورك ....
أتمنى من كل عضو يشرفني ويتكلم عن علامة في حياته
الرئيسية 
الأربعاء أغسطس 27, 2008 1:28 am